KRĂ YANG ‘BÔH BĂT TÔM TƠDRONG


*Pơih Pơma Blŭng A:  Yua kơ kiơ đe juăt pơm tơdrong yoch glăi( thoi kơ tơtông klĕ, pơm pơyô...)lăm kơmăng ? chăk đĭ đăng bơ̆n tơchĕng khan huĕy kơmăng  đe ưh kơ băt ôh ! tơpă kon bơngai bơ̆n phŏ ưh kơ băt , mă lei bơ̆n hăm byơh tơchĕng bơ̆n pơm tôm tơdrong lăm anih ôn hrĕp ‘Bok Kei-Dei hăm băt ưh?‘Bok Kei-Dei hăm ‘bôh ưh? wă kơ đei nơ̆r drơ̆ng , bĕ bơ̆n pơhrăm hơdai 'bai hŏk tơ ala âu: hăm kơ̆l 'bai "Kră Yang 'Bôh Băt Tôm Tơdrong" trong tơm lăm Hê-brơ 4:13.

KRĂ YANG ‘BÔH BĂT TÔM TƠDRONG

“Ưh kơ đei tơdrong kiơ mă hlơp kơ 'Bok Kei-Dei tơ'ngla mă sek tơlang bơ̆n, Sư 'bôh nhên tôm tơdrong kon bơngai pơm.” ( Hê-brơ 4:13 )

1. Kră Yang ‘Bôh Băt Tôm Tơdrong.
-       -   Kră Yang ‘bôh đĭ dôm tơdrong bơ̆n pơm lăm rim năr(oei tơ-tông klĕ, pơm kơdranh hơlĕnh, tô-bơlô, khĕnh đet, pơjăm pơjuă đe...) ưh kơ hlơp mĭnh tơdrong kiơ yua kơ Sư ‘bôh jrŭ lăm jơhngơ̆m kon bơngai. Isa-mu-el 16:7 “ Kon bơngai lăng gah ‘ngoaih, mă-lei ‘Bok Kei-Dei ‘bôh lăm jơhngơ̆m.  Lăm păh so đei ‘bar ‘nu bơngai ôn hơlĕnh, klĕnh kơ ‘Bok Kei-Dei: A-kan & Jô-na.
-         Sơ̆ 'bok Jô-suê păng kon pơlei Y-srael blah pơlei A-hi iĕ ioch mă lei thuơ, yua kơ A-Kan iŏk tơ-tông tơmam ôn lê̆ na BKD pơm kơ lu sư thuơ, A-Kan ngeh kơ  ôn kơ BKD gơh hlơp , ngeh kơ ‘Bok kei-Dei ưh kơ băt. Ôn kơ BKD păng ôn kơ kon pơlĕi Ysrael na jing ba tơdrong răm truh tơ dih kâu Sư, akâu sư lôch hnam dơnŏ , kon h’lơ̆p lôch yua kơ sư. Đơ̆ng rŏng kơ pơlôch A-kan na kon pơlĕi blah pơleĭ A-hi jĕi lu sư. Bơ̆n gơh ôn kơ kon bơngai mă lei ưh kơ hlơp ‘bơ̆t anăp Kră Yang ôh. I Kôrintô 4:5 “...Sư gô tơbăt hơdah ăn tôm tơdrong kon bơngai mă oei ôn pơhrĕp păng tôm tơdrong kon bơngai tơchĕng wă...”.
-         ‘Bok Kei-Dei wơh Jô-na năm pơm kơdranh kơ pơlei Ni-ni-ve mă lei sư kơdâu klĕnh tơ nai, sư ngeh khan mưh kơdâu tơnai ‘Bok kei-Dei ưh pă ‘bôh dơ̆ng, yua kơ sư ưh kơ chu BKD na ‘Bok Kei-Dei pơm ăn đei tơdrong truh kơ thŏng nan lu sư, tuch luch đe klơ̆m sư lăm đak dơsĭ na ka tih luăn sư, sư oei lăm klak ka lăm pêng măng pêng năr. Sư tơbral lăm klak ka păng pơkă wă chu ‘Bok kei-Dei na ‘Bok Kei-Dei mơnat ăn ka lă lê̆ Sư tơ kông.
-         ‘Bok Kei-Dei Kră Yang mơsêh mơyang Sư đei jơ̆p jang kơ anih, ưh kơ đei hlơp kơ sư ôh. Ê-sai 66:1 : 1 Kră Yang Yêhôwa khan thoi âu: “Plĕnh noh Tang dŏ pơtao Inh, teh noh hơnă jơ̆ng Inh juă. Lu iĕm gô man ăn kơ Inh hnam tơ yơ? Anih ayơ pơm anih Inh pơdơh?
-         Lăm Pah ‘Nao kư̆m đei 2 ‘nu klo kăn ôn păng hơlĕnh kơ ‘Bok Kei-Dei, ‘noh bre A-na-nia & Se-pir. Bre sư ‘bôh Yô-sep(ba-na-ba) tĕch đĭ mŭk tơmam na pơyơ̆r kơ BKD, sư kư̆m dai pơm tơrok(ưh kơ pơyơ̆r tơpă chă wă kơ đe ư-ang đĕch), tĕch teh sư mă lei ưh kơ đei ăn pơđĭ jên , iŏk ôn lê̆ mĭnh puăt na khan kơ lu jơ̆ng ‘bang khan pơyơ̆r đĭ hloi, ‘Bok Kei-Dei phak bre sư yua kơ bre sư hơlĕnh na bre sư lôch kơtă hloi.  Hê-brơ 4:13 “Ưh kơ đei tơdrong kiơ mă hlơp kơ 'Bok Kei-Dei tơ'ngla mă sek tơlang bơ̆n, Sư 'bôh nhên tôm tơdrong kon bơngai pơm.”
-         Bơ̆n lui bơih kơ ‘Bok Kei-Dei, bơ̆n ‘nĕ kơ oei ôn tơdrong kiơ lăm jơhngơ̆m bơ̆n, ‘Bok Kei-Dei Sư ‘bôh băt bơih tơdrong ih oei ôn ‘noh, Sư wă kơ ih tơbral păng roi kơ Sư na sư mơnat kơ ih. Pơđơ̆k 28:13 : Bơngai bu ôn tơdrong yoch sư ưh kơ đei pŭn hiôk; Mă-lei đei bu tơbral păng achăng lê̆ sư gô đei mơnat.
-          Oei ‘lơ̆p sơ̆ juăt kơ tơ̆ng lu bơngai yua pơma pơlung khan: “Dah e et hơ̆t lăm kơmăng ‘Bok Kei-Dei ưh kơ ‘bôh !” inh dai ưh kơlŭ mơ̆n, mălei phŏ oei ‘lơ̆p sơ̆  dai tơchĕng ngeh kơ trŏ, yua kơ măng gueo bơngai bơ̆n ưh kơ ‘bôh băt. Lăm lu bơ̆n hăm oei đei bơngai bu tơchĕng khan kơ măng ‘Bok kei-Dei ưh kơ ‘bôh? ‘Bok Kei-Dei oei jơ̆p anih , ‘bôh băt tôm tơdrong bơ̆n pơm(Hê-brơ 4:13). Lei na dah bơ̆n băt kơnăl Kră Yang ‘bôh băt tôm tơdrong lei bơ̆n ưh kơ pơ̆n wă pơm tơdrong yoch ôh(pơlôch nge, pơm pơyô...). Năr tôch ning mônh sư pơchrang hơdah( nhen bơ̆n lăng tv) đĭ dôm tơdrong bơ̆n đêl pơm, ưh kơ hlơp mĭnh tơdrong kiơ.

Tuch luch âu wă pơtôch 'bai hŏk bơ̆n mơ̆ng mĭnh tơdrong ROI HƠ’MON:

-          Đei minh ‘nu ‘bă, sư chông ba kon sư mơjĭt ‘bar (12) sơnăm yak jơ̆ng brŏk đơ̆ng năm ngôi tơ ‘nhŏng oh. Kơplah năr dơ̆ng tŏ dêh na ‘bă sư ‘maih nhă, sư tơmang lăng na ‘bôh vơn kơtao đe. Sư khan kơ kon sư: “inh gơ̆ kơtao kơ ba na e gô ‘bơ̆t âu hơ ! dah e ‘bôh bơngai e khan kơ inh hơ!”. Kon sư tơl:”ŏ ah!” na ‘bă sư mơ̆t gơ̆. Kơplah sư ‘nao wă gơ̆ na kơtơ̆ng kon sư krao, na sư lĕch jet kon sư: “kiơ hei, đei bơngai ha?” , kon sư hlâu tơplĕnh păng khan: “đe ưh kơ ‘bôh ba ră, mă lei ‘Bok Kei-Dei ‘bôh ba to!”. Kơtơ̆ng kon sư pơma ‘blep trŏ na ‘bă sư ‘brĕng kơ đon wih yak tơnai ưh pă tơtông dơ̆ng.

-         Athei tơbral tơdrong kiơ mă ưh kơ trŏ ih pơm, na ‘Bok Kei-Dei mơnat kơ ih, ‘nĕ gô đei tơdrong truh ‘mơ̆i tơbral, hli kơ ‘Bok Kei-Dei ăn tơdrong răm thoi bre A-na-nia hăm akăn sư(apĭnh đŏk hla bơar jơ̆ng 'bang 5:1-11).  A-men.

Nhận xét

Đăng nhận xét

Bài đăng phổ biến từ blog này

MƠJA HĂM PƠGAR PLĔI HƠMU

Hình ảnh
‘NĔ PĂ YƠ YƠ̆ KƠ PLAH OEI LĂM CHĂL ARIH ÂU Đei minh pôm mơja tơmang ‘bôh lăm pơgar đe đei pơtăm plĕi hơmu đum ‘brông ‘brang; sư tơchĕng đon wă ‘maih mơ̆t sa lu plĕi hơmu ei mă lei ưh kơ đei trong wă gơh mơ̆t, yua kơ đe adrong kơjăp khơ̆ng. Rim năr sư dăr pơgar plei hơmu ei wă chă hơmŏ đei   bơlôh trôm gơh mơ̆t tơlăm, tơpă sư ‘bôh mĭnh pôm blôh trôm gơh mơ̆t tơ lăm pơgar ei, mă lei bơlôh trôm ei iĕ dêh akâu sư mơ̆t mă lei ưh kơ đei lŭn ôh. Tuch luch sư tơchĕng khan : “dang ei inh athei ơ̆t kơ sa na gô akâu inh jing iĕ kơnh inh gơh mơ̆t lŭn bơlôh trôm âu, gô inh gơh mơ̆t sa mơ̆ng ai” . Tơpă sư adrin pơm kiơ̆ thoi sư tơchĕng ưh kơ đei sŏng sa na đunh byơ̆ đơ̆ng rŏng kơ ‘noh sư jing iĕ tơpă na akâu sư mơ̆t lŭn bôlôh trôm ĕi. Sư mơ̆t lăm pơgar plĕi hơmu ei păng oei hloi tơ ei, sư chă sa jơ̆p tơ nơm ‘long, tơpă sư sa jơnap mah mai rơkah rơkai. Đunh byơ̆ đơ̆ng rŏng tơ ‘ngla pơgar ei truh năm lăng pơgar hơmu sư, ‘bôh mơja oei tơ lăm ei na sư druh rôp yua mơja ‘noh sa đĭ plei hơmu sư. M...
Đọc thêm

HƠĐƠ̆NG LĂM KRĂ YANG

Hình ảnh
  HƠĐƠ̆NG LĂM KRĂ YANG Trong tơm : “…Na dang ei iĕm athei chơ̆n jơhngơ̆m iĕm 'nĕ kơ hli tơdrong kiơ. Iĕm adrin lui kơ 'Bok Kei-Dei păng lui kơ Inh.” ( Yô-han 14:1 ) -          Nơ̆r BKD: Yô-han 14:27, 16:33 33 Inh roi kơ iĕm dôm tơdrong noh hei wă kơ iĕm chơt hiôk yua kơ iĕm gơnang kơ Inh. Tơ ala teh âu iĕm gô đei tơdrong anat anot. Mă-lei iĕm 'nĕ kơ sơ'ngon hŏ yua kơ tôm tơdrong ala teh âu thuơ kơ Inh ngăl boih.”  27 “Inh wă tơklah đơ̆ng iĕm na Inh ăn kơ iĕm jơhngơ̆m hiôk. Jơhngơ̆m Inh hiôk dang yơ, Inh ăn kơ iĕm hiôk dang noh mơ̆n. Inh ăn kơ iĕm hiôk ưh kơ thoi lu bơngai ala teh ăn kơ iĕm hiôk ôh. Iĕm 'nĕ sơ'ngon păng 'nĕ kơ hli. Pơih pơma blŭng a: Hơdrol hloh kơkuh bơnê kơ Kră Yang 'Bok Kei-Dei oei hơdai tơgŭm ăn kơ lu bơ̆n oei liĕm akâu tôm, mă khan teh đak âu đei lơ tơdrong truh thoi kơ dang ei… Sơ̆ lu bơngai Jơ̆ng ‘bang Yêsu kư̆m tơ ‘bơ̆p tơdrong hli krưp tih, tơdrong nhen thoi pă đei hơ’mĕng kơ wă arih dơ̆ng, yua kơ đơ̆...
Đọc thêm
Hình ảnh
T ƠDRONG M ƠSÊH PRAN KƠTANG ĐƠ̆NG PLĔNH   SHA Nơ̆r 'BKD: Tơdrong jang 1:1-11 “Mă-lei lăp Yang Bơhngol 'Lơ̆ng jur oei păng iĕm, iĕm gô đei jơhngơ̆m pran năm bơtho tơdrong Inh tơ Pơlei Jêrusalem, jơ̆p kơ dêh char Juđê păng dêh Samari, đơ̆ng noh jơ̆p kơ teh đak.”   ( Tơdrong jang 1:8) Bơ̆n hlôi ‘blŏk kơ Kră Yang jur jing bơngai hăm kơ̆l ‘bai: “Tơdrong ‘Nao ‘Lơ̆ng đơ̆ng plĕnh.” Phĕt ‘blŏk kơ Kră Yang chu pơmat: “Kră Yang lôch yua kơ inh”; Kră Yang iung arih: “Kră Yang iung arih pơyua kơ inh”. Phĕt ‘blŏk kơ Kră Yang tŏk tơ plĕnh: “Kră Yang tŏk tơ plĕnh.” Năr âu bơ̆n 'blŏk kơ Yang Bơhngol ‘Lơ̆ng jur hăm kơ̆l ‘bai: “Tơdrong Mơsêh pran kơtang đơ̆ng plĕnh” . Hlôi kơ dôm tơdrong ‘noh trŏ tơpă kơ Kră Yang Yêsu bơih ‘Bok Dŏng Pơklaih đơ̆ng plĕnh jur tơ ala teh pơm keh tơdrong huai iŏk kon bơngai đơ̆ng tơdrong yoch. Đơ̆ng rŏng kơ Kră Yang Yêsu tŏk tơ plĕnh, Yang Bơhngol ‘Lơ̆ng kư̆m đơ̆ng plĕnh jur pơjing Khul Bơngai Lui, oei hơdai hăm khul bơngai lui, ăn kơ khul bơngai lui păng ...
Đọc thêm